Last cotton spray : चांगले निरीक्षण केल्यास असे दिसून येईल की,जी नॉन बीटी ची कापसाची झाडे तुमच्या शेतात आहेत त्यावरच अळी आहे, बीटीच्या झाडावरहि आहे पण बीटीच्या झाडात अळी प्रतिबंधक जीन्स असल्यामुळे पान,फुल झाडाचे काहीही अळीने खाल्ले तरी ती मरेल, कारण 85/90 दिवसापर्यंत बीटीचे जीन्स प्रतिकारक्षम असतात.
नॉन बीटीचे जी झाडे शेतात आहेत त्यावरची अळी मरणार नाही आणि अशा नॉन बीटीच्या झाडात अळी प्रतिबंधक जीन्स नसल्यामुळे त्या कापसाच्या झाडावर कापूस पीक संपेपर्यंत राहणार आहे.
Kapus pikachi favarni
कापूस पिकावर गेल्या 15-20 दिवसापासून रस शोषण करणाऱ्या किडीं विशेषतः थ्रीप्स,मावा, पांढरी माशी तुडतुड्या चा मोठ्या प्रमाणात प्रभाव झालेले होते.त्यामुळे पाते गळ, चुराडा मुरडा, कापसाची वाढ न होणे आणि लाल्या रोग या रोगांना कापसाचे पीक बळी पडले. विशेषतः अवैध पध्दतीने लागवड केलेले 3जी, 4जी कापूस वाण लाल पडले.15 दिवसात उपटून टाकावे लागतील अशी परिस्थिती या कापसाची झाली आहे.
शेतकऱ्यांना भीती दाखवून अफवा पसरवून अनावश्यक किटकनाशके त्यांच्या माथी मारत आहेत.किटकनाशके विकणाऱ्या कंपन्या,त्यांचे प्रतिनिधी,अप्रामानिक व्यावसायिक यांनी अफवा पसरवल्या मुळे आपल्याच कंपनीची किटक नाशके विक्री व्हावी म्हणून शेतकऱ्यांची दिशाभूल करून,एकाच वेळेस 5/6 मॉलिक्युल फवारणीचा सल्ला दिला जात आहे.
गुलाबी बोंडअळी नियंत्रण
1 जून पूर्वी लागवड केलेली कपाशी असेल त्या कापूस पिकाची फवारणी आता संपली आहे,मात्र ज्यांची लागवड 10 जुन नंतरची आहे आणि कोरडवाहूच्या कापसाला अजून 2 वेळा फवारणी करावी लागेल.आजपासून येणारे 3/4 दिवस म्हणजे 26 ते 30 सप्टेंबर पर्यंत कापूस या पिकाला अळी नाशकांची फवारणी करून घ्यावी आणि पुन्हा 8 ते 12 ऑक्टोबर दरम्यान 1 शेवटची फवारणी करून घ्यावी.
गुलाबी आणि हिरव्या बोन्ड अळीच्या नियंत्रणासाठी कामगंध सापळे कोरडची व बागायती लागवड केलेल्या शेतकरी बंधूनी फेरोमेन ट्रॅप लावावेत.गुलाबी बोन्डअळीचे (pink bollworm) पतंग जे एक पतंग किमान अंदाजे 180 ते 200 अंडी घालते.त्याचे नियंत्रण करण्यासाठी किंवा त्याचा प्रादुर्भाव किती प्रमाणात झाला आहे.हे जाणुन घेण्यासाठी कामगंध सापळे कपाशीच्या झाडाच्या दीड ते दोन फुट उंचीवर एकरी 5-6 सापळे वेगवेगळ्या ठिकाणी लावावे.
सप्टेंबर अमावास्येला कपाशी | फवारणी
यावर्षी सप्टेंबर महिन्यात 25 तारखेला सर्वपित्री अमावस्या आहे. त्या नंतर 4/5 दिवसानी कापूसवर अळी येईल पण ती साध्या डोळ्यांनी दिसणार नाही.या अळी च्या नियंत्रणासाठी अंडी नाशक तर अतिसूक्ष्म अवस्थेतील अळी बोंडाच्या आत जाण्याच्या अगोदरच आपण अळी व अंडी नाशक फवारा मारून नियंत्रण मिळवू शकतो.
अमावस्येच्या 2 दिवसांनी,म्हणजे 27 ते 30 सप्टेंबर या चार पाच दिवसात खालील दोन पैकी कोणतीही 1 फवारणी करा.प्रमाण 15 लिटर पाण्यासाठी आहे.
(1)प्रोफेनोफॉस 50% (30 ते 40 मिली)
(2)डेल्टामेथ्रीन 2.8 % 20 मिली.किंवा डेल्टा मेथ्रीन 11% (10 मिली)
(3)सिलिका युक्त स्टिकर (6 मिली)
(4) निमार्क (तीव्रतेच्या प्रमाणात)
(5% असेल तर 100 मिली 1000 पीपीएम असेल तर 60 मिली 1500 पीपीएम असेल तर40 मिली,10000 पीपीएम असेल तर 15 मिली,आणि 15000 पीपीएम असेल तर 10 मिली}
किंवा
(1) प्रोफेनोफॉस 50 % (40 मिली)
(2)इमामेकटींन बेंझोइत (10 ग्रॅम)
(3)सिलिका युक्त स्टिकर (6 मिली)
(4) नीमार्क(तीव्रतेच्या प्रमाणात)
कापसावर शेवटची फवारणी | last kapus favarni
कपाशीवर 8 ते 10 ऑक्टोबर दरम्यान खालील पैकी कोणतीही एक शेवटची फवारणी करा.”कापसावर शेवटची फवारणी | last kapus favarni”
(1)क्लोरो पायरीफॉस 50% (40 मिली)
(2)इमामेकटींन बेंझोइत (10 ग्रॅम)
(3)सिलिकायुक्त स्टिकर (6 मिली)
(4)अन्ट्रोकॉल/साफ (बुरशी नाशक 30 ग्रॅम)
किंवा
(1)नुवान (30 मिली)
(2)इमामेकटींन बेंझोइत (10 ग्रॅम)
(3) सीलिकायुक्त स्टिकर (6मिली)
(4)बाविस्टीन किंवा रोको (बुरशी नाशक 30 ग्रॅम)
मित्रांनो आपण कोणत्याही कंपनी चा प्रचार करत नसून शेतकऱ्यांच्या माहिती साठी लेख लिहिला आहे. तरी पण फवारणी करण्याअगोदर तज्ञांचा सल्ला घ्यावा.
