India Post Insurance : अपघात झालेल्या व्यक्तीला शारीरिक आणि आर्थिक अडचणींना सामोरे जावे लागू नये, यासाठी भारतीय टपाल कार्यालयाने फक्त 795 रुपयांमध्ये Tata AIG आणि Bajaj Allianz या दोन विमा कंपन्यांसोबत एकत्रित विमा योजना आणली आहे.
India Post Accidental Insurance
मित्रांनो आपल्याला माहिती असेल आजकालच्या धकाधकीच्या जीवनामध्ये अपघात विमा आणि जीवन विमा काळाची गरज झालेली आहे. त्यामुळे भारतीयांना नेहमीच विश्वास राहिलेल्या इंडियन पोस्ट पेमेंट बँक नवीन योजना घेऊन येत आहे.
आता भारतीय टपाल विभागाने विमा क्षेत्रात सुद्धा आपले पाऊल टाकले असून या सुविधेचा लाभ सर्वसामान्य जनतेपर्यंत पोहोचण्यासाठी सदरील Accidental Insurance योजना सुरू केली.डाक विभाग कोल्हापूर मार्फत इंडिया पोस्ट पेमेंट बॅंकेमार्फत टाटा एआयजी आणि बजाज अलायन्झ या दोन विमा कंपन्यांचा विमा उघडला जात आहे.
सर्व डाक कार्यालयात इंडियन पोस्ट पेमेंट बँकेचे 795 रुपयात 20 लाखांचा अपघाती विमा उघडण्यासाठी दिनांक 26 ते 28 ऑक्टोबर 2023 दरम्यान विशेष मोहिम राबविण्यात येत असल्याची माहिती कोल्हापुर विभागाचे, प्रवर अधीक्षक, डाकघर अर्जुन इंगळे यांनी दिली आहे.
इंडिया पोस्ट पेमेंट बँक विमा योजना
इंडिया पोस्ट पेमेंट बँक ही भारत सरकारद्वारे चालविण्यात येणारी बॅंकिंग सेवा आहे. भारतीय डाक विभागातर्फे ही सेवा चालवली जाते. अपघात झालेल्या व्यक्तीला शारीरिक आणि आर्थिक अडचणींना सामोरे जावे लागू नये, यासाठी टपाल कार्यालयाने 795 रुपयांमध्ये टाटा एआयजी आणि बजाज एलायंज या दोन विमा कंपन्यांसोबत एकत्रित विमा योजना आणली आहे.
सदरील अपघाती विमा भारतीय डाक विभागातर्फे उतरवण्यात येतो. त्यात टाटा एआयजीला वार्षिक प्रीमिअम 399 रुपये आणि बजाज एलायंजला 396 रुपये प्रीमिअम भरावा लागतो.
अपघात विमा आवश्यक कागदपत्रे
- आधार कार्ड
- मोबाईल क्रमांक
- इंडिया पोस्ट पेमेंट बँकेत खाते
India Post premium Account
भारतीय टपाल कार्यालयातून योजनेचा लाभ शक्य आहे. विमा योजनेसोबत इंडिया पोस्ट पेमेंट बँकेत प्रीमिअम खाते उघडता येते. मित्रांनो आपण जर भारतीय टपाल विभागात म्हणजे पोस्ट ऑफिस मध्ये प्रीमियम खाते उघडले तर त्यासाठी आपल्याला खालील सुविधांचा लाभ मिळतो.
- प्रीमिअम खात्यामध्ये मोफत घरपोच बँकिंग सेवा
- वीजबिल भरणा केल्यास त्यावर रोख परतावा
- जीवन प्रमाणपत्र
- अमर्यादित विनामूल्य रोख ठेव जमा करता आणि काढता येत.
सर्व जनतेने जवळ्च्या पोस्ट ऑफिसशी अथवा आपल्या पोस्टमनशी संपर्क साधावा व या सेवेचा या विशेष मोहिमेदरम्यान जास्तीत जास्त लाभ घ्यावा.
पोस्ट ऑफिस अपघात विमा योजने संदर्भात सविस्तर माहिती व अर्ज येथे करा